ده‌بێت کۆمپانییاکان پێش پڕکردنەوەی داواکاری ڤیزە ئەم رێنماییانەی لای خوارەوە باش بخوێنه‌وه‌

تێبینی:- ئەم رێنماییانەی لای خوارەوە بە بەرداوامی گورانکاری بەسەر دادێت لەبەر ئەوە پێوستە پێش بڕکردنەوەی هەر داواکارییەکی ڤیزە بە ووردی بخوێنرینەوە.


  1. پڕکردنەوەى ئەپلیکەیشنى تایبەت، لە وێبسایتى ڤیزه‌ى ئه‌لیكترۆنى.
  2. ماوه‌ى به‌سه‌رچوونى پاسپۆرتى كه‌سى بیانى نابێت له‌ (6)مانگ كه‌متر بێت.
  3. هەڵگرانی (بەڵگەنامەی گەشت – Travel Document)، لە رێگای نوێنەرایەتیيەکانی حکومەتی هەرێم لە دەرەوە دەتوانن داوای ڤیزە بکەن.
  4. ماوەى رێگەپێدان تەنها بۆ(30) رۆژە.
  5. ڤیزە تەنها بۆ مەبەستى سەردان دەدرێت، و ده‌بێت هۆكارى هاتنەکە دیارى بكرێت.
  6. پڕكردنه‌وه فۆڕمی ژمارە (1) کە تەنها لە وێبسایتى ڤیزه‌ى ئه‌ليكترۆنى دانراوه‌.
  7. پێویستە رسوماتى تایبەت بە ڤیزە بدرێت لە ڕێگاى وێبسایتى ڤيزەى ئەلیکترۆنی.
  8. پڕكردنه‌وه فورمى ژمارە (33) كه‌ تایبه‌ته‌ به‌ زانیارى كه‌سى بیانى داواكراو له‌ لایه‌ن خودى كه‌سى بیانى کە تەنها لە وێبسایتى ڤیزه‌ى ئه‌ليكترۆنى دانراوه‌.
  9. دەبێت کۆمپانیا فۆڕمى ژمارە (28)ی هەبێت و لەلایەن ليژنەی تایبەتمەند پەسەند کرابێت و هاوپێچ بکرێت.
  10. پێویستە گشت فۆڕمەکان بە کۆمپیوتەر پڕبكرێنه‌وه‌.
  11. له‌ كاتى نه‌گه‌ڕانه‌وه‌ى كه‌سى بیانى و ئه‌نجام نه‌دانى رێکكاره‌كانى پێدانى كارتى نشینگه،‌ ئه‌و كه‌سه‌ى كه‌ به‌ڵێننامه‌ى داوه‌، ده‌بێت بڕى پاره‌ى ئه‌و به‌ڵێننامه‌یه‌ بدات به‌ گه‌نجینه‌ى هه‌رێم له‌ به‌رامبه‌ر جێبه‌جێ نه‌كردنى به‌ڵێننامه‌كه‌ى بەپێى ياسا، سه‌ره‌ڕاى ئەنجامدانی رێكکاره‌ یاساییه‌كانى تر كه‌ به‌رامبه‌ر به‌ڵێنده‌ر ‌و‌ ئه‌و لایه‌نه‌ى كه‌ داواى ڤیزه‌ى كردووه‌.
  12. ژمارەی ئەو ڤیزانەی بە کۆمپانیا دە درێت لە یەک مانگ دا (80) هەشتا ڤیزە یە.
  13. چوار مانگ جارێک سیستەم بە شێوەیەکی ئۆتۆماتیکی پێدانی ڤیزە بەو کۆمپانیایانه‌ ڕادەگرێت و پێویستە کۆمپانیا لە ماوەی (30) رۆژ چارەنووسی ئەو ڤیزانە دیاری بکات لە رێگای نووسراوێکی فەرمی بۆ بەرێوبەرایەتی ڤیزە لە وەزارەتی ناوخۆ لەگەل هاوپێچ کردنی گشت ئەو به‌ڵگه‌نامانه‌ى کە پێویستە بۆ سەلماندنی چاره‌نووسیان.
  14. لەکاتى ره‌تكردنه‌وه‌ى ڤیزه‌ دەكرێت دواى (24) کاتژمێر داواکاریيەکە دووبارە بکرێتەوە دوای چاککردنەوی هۆکارەکانی رەتکردنەوە ئەگەر هۆکار پەیوەندیدار نەبێت بە قه‌ده‌غه‌ی هاتن.


حکومەتی هەرێمی کوردستان

وەزارەتی ناوخۆ

سیستمی ڤیزەی ئەلیكترۆنی

پەیوەندی وزانیاری

    info@moi.gov.krd

    07511608686